Truh hơpong păng pơm jang tơ̆ dêh char Gunma, Thủ tướng Phạm Minh Chính ăn tơbăt, ƀok hmach bơnê hăm dôm tơdrong jang đei jơnei lơ̆m hơtŏk mŭk drăm tơpôl kơ dêh char, hăm tơring dơnơm gah jang mŭk drăm 'nao pran hloh kơ teh đak Nhâ̆t. Thủ tướng bơnê kơ jơnŭm pơgơ̆r dêh char hlôi kơchăng hơtŏk jang hadoi hăm Việt Nam lơ̆m rim tơdrong jang.

Khei năr truh, Thủ tướng hơpơi 'meh dôm anih jang mŭk drăm dêh char Gunma, teh đak Nhâ̆t, hăm tơdrong pran păng hlôh vao kơ po gô pơtoi tơgŭm, yak hadoi hăm Jơnŭm pơgơ̆r păng dôm anih jang mŭk drăm Việt Nam pơih să jang hadoi lơ̆m tơdrong mă 2 pah jang pran hloh, atŭm hăm noh tơlĕch dôm tơdrong jang 'nao. Sơkơ̆t hơdăh Việt Nam jing tơring jang kăp gĭt păng hơtŏk tơ-iung, Kơdră dêh char Gunma sơkơ̆t hơdah gô pơtoi asong khul jang mŭk drăm năm tơmang Việt Nam; hơtŏk jang hadoi lơ̆m asong jang, tĕch pơdro kơ 2 teh đak; hơpơi 'meh Jơnŭm pơgơ̆r teh đak Việt Nam pơm trong hiôk vă anih jang mŭk drăm dêh char Gunma asong jang ƀônh ƀŏ tơ̆ Việt Nam păng đei lơ hloh anih jang mŭk drăm Việt Nam asong jang tơ̆ dêh char Gunma.