Tơ̆ 'măng pơma đam, kơdră kơ minh ƀar hnam trưng Đăi hŏk tơ̆ tơring Tŏk Bŏk – Tây Nguyên akhan, tơdrong jang hơtŏk Đảng viên lơ̆m hŏk tro, sinh viên khei năr âu ki đei dôm hnam trưng tơrĕk truh, tơgop hơtŏk Đảng viên. Mă lei, trong pơtho kiơ̆ tĭn chỉ hlôi pơrăm truh tơdrong jang Đoan, akŏm pơhrăm đơ̆ng sinh viên noh tam mă tom ƀôh bơngai hơbĕch 'nao. Rim nơ̆r tơgop đơ̆ng ƀai chih tơbang Pơma đam hlôi pơm hơdăh hloh găh trong tơrĕk hăm khua hŏk, dôm trong jang drơ̆ng minh păng tơroi trong jang 'lơ̆ng găh hơtŏk Đảng viên lơ̆m hŏk tro, sinh viên. Pơma ăh 'măng pơma đam, yă Trương Thị Mai, Kơdră Jơnŭm pơgơ̆r Trung ương pơkăl, lơ̆m khei năr truh dôm Tĭnh wi, Thanh wi păng Kâ̆p wi kơ dôm Hnam trưng Đăi hŏk, hnam trưng THPT tơ̆ tơring Tŏk Bŏk - Tây Nguyên athei tơrĕk tơnăp hloh dơ̆ng găh tơdrong jang hơtŏk Đảng lơ̆m hŏk tro, sinh viên.