Pơma ăh lêh pơtơm, Kơdră jang tang măt ăn Việt Nam tơ̆ Phlăng ƀok  Đinh Toàn Thắng bơnê kơ tơdrong kơ ‘nôh đơ̆ng dôm bơngai jang păng jơnŭm jang atŭm jơhngơ̆m vă pơgơ̆r pơma đam. Kơdră tang măt akhan, âu jing tơdrong akŏm kăp gĭt tih tên hăm kon pơlei Việt Nam tơ̆ teh đak đe, mă kăl noh kon pơlei hơrih tơ̆ châu Âu, tơƀôh đon bơnôh păng tơguăt đơ̆ng kon pơlei hăm pơlei pơla, teh đak, păng hăm dôm tơdrong jang tih kơ teh đak, hơdrung hơdrĕch. Dôm ƀai đŏk hlôi akŏm lơ găh tơdrong Biển Đông păng tơring pơgơ̆r kơdih achon teh Việt Nam, hơlen găh jơhnơr hơrih, joh ayŏ, chĭnh trĭ păng khôi lươ̆t. Đak dơxĭ păng tơdrong pơgơ̆r achon teh hơnơ̆ng jing tơdrong đei tơrĕk ưh hơdrô̆ hăm Việt Nam mă hăm dôm teh đak đei xơlam tơ̆ đak dơxĭ. Hăm 14 ƀai đŏk đei tơbang, pơma đam tơgop pơtruh ăn kon pơlei xơkơ̆t hơdăh vă atŭm băl tơ-iung păng hơtŏk kiơ̆ tơchơ̆t tơgĭt dih băl tơdrong pơgơ̆r tơring teh.