Lêh sơng đei pơgơ̆r tih hăm tơdrong pơgơ̆r đơ̆ng Đại tướng Phan Văn Giang, Kơdră Anih tơm vei lăng Khŭl lĭnh Việt Nam. Đơ̆ng rŏng lêh sơng, Kơdră Anih tơm vei lăng khŭl lĭnh 2 teh đak pơm lêh kơ kuh jrăng sơlam, pơtăm ‘long tơbôl tơring sơlam Việt Nam-Trung Quốc tơ̆ ‘Măng jang sơlam apŭng plĕnh teh Lào Cai; Kơdră tơm Phan Văn Giang tơsơng jrăng sơlam pơm tơm kơdih 102 (2) găh păih Việt Nam.

Lơ̆m jơ năr pơgơ̆r pơma dơnuh, Kơdră tơm Phan Văn Giang păng Kơdră tơm Đổng Quân kŭm hăm Khŭl tang măt Anih tơm vei lăng khul lĭnh 2 teh đak vang pơm lêh kăt che et hơtŏk Hnam joh ayŏ tơbôl tơring sơlam Việt Nam-Trung Quốc; năm ngôi păng asong tơmam ăn Hnam trưng hŏk jăl 1 Kim Đồng (pơlei tơm Lào Cai); năm ngôi tơ̆ Kơđông lĭnh vei lăng ‘măng jang sơlam apŭng plĕnh teh Lào Cai. Kơdră Anih tơm vei lăng khŭl lĭnh 2 teh đak Việt Nam-Trung Quốc kŭm vang pơm lêh kĭ pơkăp dôm hla ar jang hơdai.