Vang akom đei bơngai tang măt đơ̆ng Khul Tơproh trong jang atŏk tơiung tơring kơdrâm, Khul kiến trúc sư Việt Nam kŭm hăm lơ bơngai juăt jang lơ̆m teh đak păng apŭng plenh teh. Kiơ̆ kơ ‘noh, tơdrong vă jang ƀơm truh jơ̆p tơring lơ̆m plt Đà Lạt păng dôm apŭng Lạc Dương, Đơn Dương, Đức Trọng păng 1 păh apŭng Lâm Hà, pơih xă kiơ̆ trong akŏm groi teh kơjung đơ̆ng 850m tŏk tơ̆ kơpal pơting hăm đak dơsĭ; teh sơlam xă truh 336 rơbâu ha, xă hlŏh vă jê̆ 10 ‘măng teh Đà Lạt dang ei.

Kiơ̆ KTS. Trần Ngọc Chính, Kơdră Khul tơproh trong jang atŏk tơiung tơring kơdrâm Việt Nam, va wchĕp vei kơjăp dôm tơdrong ‘lơ̆ng đei hơdrô̆ kơ Đà Lạt, năm truh trong jang tŏk rơgoh păng tơjră hăm tŏ ‘mi kial tơplih, tôch kăl đei 1 trong jang đunh đai, đei trong tơgŭm hơdrô̆ vă bơ̆ jang đei tơdrong Tơproh trong jang atŭm ăn plt Đà Lạt păng dôm tơring jŭm dăr truh sơnăm 2045 đơ̆ng rŏng kơ Thủ tướng teh đak kĭ ăn.