Pơtho pơhrăm ming dôm tơdrong hlôh vao ăn Kơ iĕng Ƀĭ thư, Kơdră chĕp pơgơ̆r Jơnŭm vei lăng kon pơlei, Hơnih vei lăng kon pơlei dêh char, pơlei tơm
Thứ ba, 09:06, 12/12/2023
VOV/Amazưt tơblơ̆
VOV/Amazưt tơblơ̆
VOV4.Bahnar - Pơgê năr 11/12, tơ̆ Hà Nội, Học viện Chính trị quốc gia Hồ Chí Minh iung jang hơdoi hăm Hơnih chĕp pơgơ̆r bơ̆ jang Trung ương Pơgơ̆r blŭng a lăm pơtho ming dôm tơdrong kăl ăn Kơ iĕng Ƀĭ thư, Kơdră chĕp pơgơ̆r Jơnŭm vei lăng kon pơlei, Hơnih vei lăng kon pơlei dêh char (Lăm mă 3).
Kơdră jang lơ̆m Hơnih tơm Chinh trĭ, Kơdră chĕp pơgơ̆r Học viện Chính trị quốc gia Hồ Chí Minh, Kơdră chĕp pơgơ̆r Jơnŭm Lý luận Trung ương Nguyễn Xuân Thắng, Kơdră Hơnih chĕp pơgơ̆r lăm hok vang năm.
Ƀok Nguyễn Xuân Thắng tơbăt, lăm hŏk au vă pơtho ming, tơbăt hơdăh dôm tơdrong jang kăl ăn dôm bơngai chĕp pơgơ̆r, pơrô̆ jang kiơ̆ trong bơ̆ jang đơ̆ng Đảng, Teh đak tơ̆ rim tơring păng rim hơnih bơ̆ jang Trung ương, vă trŏ lăp hăm dôm tơdrong tơplih ‘nao tĕnh koăng hrei au. Atŭm hăm ‘nŏh atŏk kơtang pơgơ̆r jang kiơ̆ jơnei keh kong tôm tong Tơdrong tơchơ̆t Pơm lêh hop akŏm Đảng ‘măng mă XIII păng Tơdrong tơchơ̆t pơm lêh Hop akom Đảng rim hơnih.
Viết bình luận