Pơtôch 10 sơnăm bơ̆jang kiơ̆ Tơdrong tơchơ̆t kơsô̆ 29 găh tơplih ‘nao tôm tơdrong pơtho pơhrăm
Thứ sáu, 09:03, 15/12/2023
VOV/Thuem tơblơ̆
VOV/Thuem tơblơ̆
VOV4.Bahnar - Pơgê brei (14/12), Anih tơm vei lăng găh pơtho pơhrăm pơgơ̆r Hop akŏm pơtôch 10 sơnăm bơ̆jang kiơ̆ Tơdrong tơchơ̆t kơsô̆ 29 sơnăm 2013 đơ̆ng Anih chĕp kơ̆l pơgơ̆r Trung ương Đảng jăl 11 găh “Tơplih ‘nao tôm tơdrong pơtho pơhrăm, pơm lăp hăm ‘meh vă kơmăy kơmŏk ‘nao lơ̆m tơdrong mŭk drăm anih tĕch mơdro kiơ̆ trong xã hội chủ nghĩa păng mơ̆t jang hơdai lơ̆m apŭng plĕnh teh”.
Iung pơma pơtôch hop akŏm, Kơdră Anih tơm vei lăng pơtho pơhrăm Nguyễn Kim Sơn pơma hơdăh, dôm jơnei hlôi iŏk đei đơ̆ng rŏng 10 sơnăm bơ̆jang kiơ̆ Tơdrong tơchơ̆t 29 ăn ƀôh tơdrong hơdrin tôch kơ tih đơ̆ng dôm Anih jang, Anih tơm, anih jang Trung ương păng dôm tơring. Hop akŏm pơtôch pơgơ̆r lơ̆m khei ‘năr đei lơ tơdrong oei tŏk bŏk tơlĕch jang, lơ tơdrong tam mă jang đang.
Yua thoi noh Anih tơm vei lăng găh pơtho pơhrăm athei Anih tơm Chĭnh trĭ tơlĕch ăn Tơdrong tơchơ̆t đơ̆ng Anih tơm Chĭnh trĭ găh hơnơ̆ng bơ̆jang kiơ̆ Tơdrong tơchơ̆t 29 vă hơnơ̆ng tơplih ‘nao tôm tơdrong păng hơtŏk ‘lơ̆ng pơtho pơhrăm pơm lăp hăm ‘meh vă, hơnăp jang lơ̆m jăl jang ‘nao kơ teh đak.
Viết bình luận