5 sơnăm âu ki, tơdrong pơjei băl pơjing "Khul linh jang pơgang 5 ‘lơ̆ng" hlôi tŏk jing tơdrong jang hơnơ̆ng lơ̆m đĭ đăng khul linh. Anih jang đảng, ƀok yŏng rim khul linh roi đunh roi tơrek hlŏh dơ̆ng truh tơdrong vei lăng, năng tông jơhngâm pran ăn đe ƀô đô̆i păng kon pơlei.

Lơ sơnăm hloi, kơsô̆ linh đei jơhngâm pran ‘lơ̆ng vă bơ̆ jang vei kơ jăp tĕh đak hlŏh 98%. Đon hlôh vao găh ki thuơ̆t păng jơhngâm đon ‘lơ̆ng đơ̆ng kăn ƀô̆, bơngai jang, linh jang pơgang roi tŏk ‘lơ̆ng, pơm lăp hăm tơdrong ‘mĕh vă pơjing khul linh jang pơgang pran kơjăp găh khul linh, rơgei găh tơdrong jang, kơjăp găh chinh trĭ, đon tơchĕng, jơhngâm đon bơ̆ jang; pơm lăp hăm tơdrong jang chinh trĭ đei pơjao. Khul linh jang pơgang oei vang bơ̆ jang đei yoa ‘lơ̆ng tơdrong vei lăng rơngei đơ̆ng Liên hợp quốc. 

Đơ̆ng dôm tơdrong jang đei, Đại tướng Phan Văn Giang, Kơdră tơm vei lăng khul linh tĕh đak athei, tơ̆ hơnăp kơnh, dôm anih jang, khul linh lơ̆m đĭ đăng khul linh păng anih jang pơgang khul linh hơnơ̆ng hơtŏk tơdrong pơjei băl, tơchĕng hơlen dôm tơdrong ‘nao đei tơlĕch hăm anih jang pơgang kơ khul linh lơ̆m chăl hle, vă gơ̆h đei trong pơm ‘lơ̆ng ăn tơdrong jang pơgang đơ̆ng khul linh tơlĕch jang tơtom hăm rim tơdrong.