Tơ̆ jơ pơm lêh rim kơdră tang măt sơkơ̆t hơdăh, Tơdrong pơgơ̆r au tơgop lăng hơlen dơ̆ng pơtôch jang kiơ̆ Tơdrong tơchơ̆t Pơm lêh hop akŏm XIII kơ Đảng tơ̆ rim đak dơsĭ, achon dơsĭ đơ̆ng blŭng jăl jang truh dang ei. Tơdrong jang đei 3 trong jang tơm hăm rim hơnăn: "Jơhngơ̆m đak dơsĭ"; "Việt Nam lăng truh pơdrŏng đơ̆ng đak dơsĭ”; “Việt Nam lăng truh pran kơtang găh đak dơsĭ".

‘Moi kiơ̆ ‘măng pơgơ̆r tơgop tơgŭm ăn kang ƀô̆, đang viên, rim răih kon pơlei, kŏng ang ƀô̆ đô̆i ƀôh hơdăh hloh dơ̆ng tơdrong đei tih tên păng tơdrong rơvơn kơ Teh đak-Teh đak đei đak dơsĭ, đơ̆ng noh tơgop atŏk jơhngơ̆m đon ‘mêm kơ eng teh đak, jơhngơ̆m đon hưch hanh hơmanh bơnê, yom kơtang hơdrech hơdrung, jơhngơ̆m đon kơrŭn đĭ ai vei lăng năng tông pơm tơngla tơring đak dơsĭ gĭt kăl kơ Teh đak. Jơ ‘năr au, Ƀok Đỗ Tiến Sỹ, Kơdră chĕp pơgơ̆r Radiô Nơ̆r Pơma Việt Nam hlôi pôk ăn kỷ niệm chương "Kơ yuơ tơdrong jang rapor” ăn rim bơngai bơ̆ jang ‘lơ̆ng lơ̆m vang iung jang tơdrong pơgơ̆r au.