Pơgê brei (17/10), Anih chĕp kơ̆l pơgơ̆r Quốc hội tơgop nơ̆r ăn Hla ar chih vă hơmet ăn Hop akŏm mă 6, Quốc hội jăl 15. Tổng Thư ký Quốc hội, Kơdră Anih pơvih ăn Quốc hội Bùi Văn Cường ăn tơbăt, tơchĕng adrol akŏm đĭ đăng năr bơ̆ jang đơ̆ng Quốc hội ‘nŏh 22 năr; pơih blŭng lơ̆m ‘năr 23/10 păng vă pơtôch til pơgê 29/11. Quốc hội vă hôp hơdai tơ̆ Hnam Quốc hội păng pơgơ̆r kiơ̆ 02 đơt.

Pơtôch hop akŏm mă 27, Kơdră Quốc hội Vương Đình Huệ pơma hơdăh, truh dang ei rim tơdrong jang hơmet ăn hop akŏm mă 6 đĭ đang bơih, rim tơdrong đei hơmet ‘lơ̆ng ăn hop akŏm ‘măng mă 6. Kơdră Quốc hội athei dôm anih jang kơpal jăh hơmet pơkĕh hla ar chih dôm tơdrong kăl lơ̆m hop akŏm vă gơih ăn rim bơngai tang măt Quốc hội. Atŭm hăm ‘nŏh, hơmet mă tôm, mă ‘lơ̆ng rim tơdrong, lơ̆m noh năng kăl truh tơdrong tơroi tơbăt, dôm tơdrong ƀơm truh tơmam drăm, vei sơđơ̆ng vă pơvih ‘lơ̆ng ăn Hop akŏm truh âu kơnh.