Hơnơ̆ng bơ̆ jang lơ̆m Hop akŏm mă 29, ‘năr 9/1, Anih chĕp kơ̆l pơgơ̆r Quốc hội tơgop nơ̆r găh tơdrong chih iŏk, tơl tơblang, hơmet ming 2 kơ Luơ̆t tôch gĭt kăl đơ̆ng rŏng kơ ‘nŏh pơgơ̆r jơ hôp mă hơtuch. ‘Nŏh jĭ Luơ̆t teh (oei chih hơmet ming) păng Luơt dôm Anih asong tŏk iŏk jên (oei chih hơmet ming). Luơ̆t teh (oei chih hơmet ming) đơ̆ng rŏng chă chih iŏk nơ̆r pơma, hơmet ming đei 16 chăl păng 260 apăng. Pơting hăm Luơ̆t đei tơroi ăn Anih chĕp kơ̆l pơgơ̆r Quốc hội tơ̆ hop akŏm tŏk bŏk 2 ‘măng ƀât Hop akŏm mă 6, Luơ̆t hlôi hŭt lê̆ 5 apăng, chih pơ ‘lơ̆ng, hơmet ming 250 apăng.

Pơtôch hop akŏm mă 29, Kơdră Quốc hội Vương Đình Huệ athei dôm Anih jang kơ Quốc hội, dôm anih jang kơpal hơnơ̆ng ‘măn jơ năr vă chih akŏm, hơmet ming Luơ̆t teh (oei hơmet ming); Luơ̆t dôm Anih asong tŏk iŏk jên (oei chih hơmet ming); Tơdrong tơchơ̆t găh 1,2 trong pơgơ̆r jang, tơdrong tơgŭm hơdrô̆ vă hơmet pơ ‘lơ̆ng pơmat tat, tơhlăk tăk, hơtŏk hrĕnh tơdrong jang dôm Tơdrong jang tơm kơ teh đak păng dôm tơdrong gĭt kăl nai vă hơmet ăn Hop akŏm ưh ê ‘măng mă 5, Quốc hội jăl 15, vă pơgơ̆r lơ̆m ‘năr 15/1 âu kơnh.