‘Măng hop akom hlôi drơ̆ng mĭnh nơ̆r lơ tơdrong tơchơ̆t kăl lơ̆m atŏk tơ iung mŭk drăm tơpôl kơ dêh char lơ̆m khei năr kơnh.

Iung pơma tơ̆ pơgơ̆r pơtôch hop akŏm, yă Huỳnh Thị Chiến Hoà, Kơdră chĕp pơgơ̆r Jơnŭm vei lăng kon pơlei dêh char Đak Lăk athei, Hơnih vei lăng kon pơlei dêh char, rim hơnih jang, tơring kăl lăng tơdrong jang atŏk tơ iung mŭk drăm-tơpôl, sơđơ̆ng dơ̆ng kơjăp tơring ‘noh jing tơdrong kăl hloh kơ 6 khei hơtuch sơnăm. Atŭm hăm ‘noh, Jơnŭm vei lăng kon pơlei dêh char athei rim hơnih atŏk kơtang pơrô̆ pơrôp pơtho tơbăt ăn kon pơlei găh rim trong bơ̆ jang đơ̆ng Đảng, khôi luơ̆t Teh đak găh rim trong jang atŏk tơ iung mŭk drăm-tơpôl tơring kon kông, trong jang tơgoăt tơgoăl hơdrĕch hơdrung kơ Đảng, Teh đak vă  kon pơlei lăp đon vang jang kiơ̆. Tơ̆ Hop akŏm, Jơnŭm vei lăng kon pơlei dêh char Đak Lăk jei pơdrơ̆ng kiơ̆ 6 tơdrong pơkăp khôi luơ̆t, 10 tơdrong tơchơ̆t kăl păng tơchơ̆t lơ tơdrong kăl anai hăm drơ̆ng mĭnh nơ̆r kơtang.