‘Nâu jĭ lăm mă mônh hăm 52 bơngai jang lơ̆m Trung ương Đảng vang hŏk, hlôi đei pơhrăm ming, tơroi 9 tơdrong jang. Dôm tơdrong jang ‘noh jĭ dôm tơdrong kăl, tơm, ‘lơ̆ng hai kăl hai kơ teh đak bơ̆n lơ̆m jăl jang hrei ‘nâu. Tơdrong tơm đơ̆ng dôm tơdrong jang đei tơroi, tơklep hơdai dôm tơdrong lý luận hăm yan âu ‘nao hloh kơ teh đak păng apŭng plĕnh teh, jang kiơ̆ jơhngơ̆m đon Hop akŏm bơngai tang măt lơ̆m teh đak ‘măng mă 13 kơ Đảng păng dôm tơdrong tơchơ̆t đơ̆ng Trung ương, đơ̆ng Anih tơm Chĭnh trĭ, Ban Bí thư, Kuô̆k hô̆i, Khŭl kơdră teh đak đơ̆ng blŭng jăl jang truh dang ei păng 1 tơdrong jang apŭng plĕnh teh yua đơ̆ng bơngai joăt jang pơjing Đảng kơ teh đak buăl roi tơbăt tơdrong hlôh vao găh hơmet ming khŭl jang kơ Đảng păng teh đak.

Pơma pơtôch Lăm pơhrăm ming, Kơdră chĕp kơ̆l pơgơ̆r Ban Bí thư Trương Thị Mai pơma hơdăh ‘nâu jĭ tơdrong hiôk vă dôm bơngai jang lơ̆m Trung ương Đảng tơmơ̆t dơ̆ng dôm tơdrong kơtơ̆ng ang dôm tơdrong ƀơm truh tơdrong tơchơ̆t Hop akŏm 13; vang tơroi tơdrong hlôh vao, tơmơ̆t dơ̆ng găh lý luận vă đei tơdrong lui, đon nuih chĭnh trĭ vă hơnơ̆ng iŏk jang tơdrong jang tơ̆ hơnăp kơnh kiơ̆ tơdrong klăih song jang đơ̆ng Đảng.