Tơ̆ ‘măng hop akŏm mă 29 âu ki, Anih Juăt jang kơpal kơ Kuôk hô̆i hlôi tơgop nơ̆r gah tơdrong tơblang, chih akŏm, hơmet ming Luơ̆t Dôm anih jang mong jên (đei tơplih). Đơ̆ng rŏng hop akŏm, Anih juăt jang Mŭk drăm hlôi pơm jang hăt hot hăm minh ƀar anih jang đei tơrĕk dih băl vă chă hơlen, chih iŏk nơ̆r tơgop Sơkơ̆t đơ̆ng Anih juăt jang kơpal kơ Kuôk hô̆i vă keh đang chih akŏm Luơ̆t.

Chih akŏm Luơ̆t Jên mong (đei tơplih) đơ̆ng rŏng kơ chih akŏm tơblang đei 15 apăng păng 210 tơdrong, tŏk 10 tơdrong pơtêng hăm chih akŏm Luơ̆t ah ‘Măng hop akŏm mă 6. Tơ̆ hop akŏm âu, Anih juăt jang kơpal kơ Kuôk hô̆i tơgop nơ̆r gah trong tơgŭm anih jang mong jên đei tơkan tơtom; Gah tơchơ̆t hơtŏk minh ƀar tơdrong lơ̆m Tơchơ̆t; Gah sơkơ̆t đei tơrĕk truh.