Kơdră Kuôk hô̆i Trần Thanh Mẫn pơma ah jơ pơtơm păng atŭm hăm đe Phŏ Kơdră Kuôk hô̆i pơlơh băl pơgơ̆r tơdrong Hop akŏm. Tơ̆ ‘Măng hop akŏm âu, Anih jang kơpal Kuôk hô̆i gô hơlen, tơgop nơ̆r gah lơ tơdrong kăp gĭt tŏk bŏk oei pơtruh ăn Kuôk hô̆i ah ‘măng hop akŏm mă 7. Gah tơdrong chih akŏm luơ̆t, lơ̆m ‘măng hop akŏm âu, Anih jang kơpal Kuôk hô̆i ‘măn lơ jơ vă tơgop nơ̆r ăn tơdrong tơblang, chih akŏm, hơmet Luơ̆t vei Sơđơ̆ng trong nơnăm; Tơgop nơ̆r gah Luơ̆t Trong nơnăm; Togop nơ̆r gah tơdrong tơblang, chih akŏm, hơmet Luơ̆t Thủ đô (hơmet ming)…

Gah tơchơ̆t dôm tơdrong kăp gĭt, Anih jang kơpal Kuôk hô̆i gô tơgop nơ̆r gah Pơkă Anih tơm Hà Nội jăl sơnăm 2021 - 2030, sơkơ̆t truh sơnăm 2050 păng Hơmet Pơkă atŭm Anih tơm Hà Nội truh sơnăm 2045, sơkơ̆t truh sơnăm 2065; Hơlen, tơchơ̆t gah trong yua jên akŏm, mong ƀiơ̆ jên huach iŏk đơ̆ng jên mong trung ương sơnăm 2023 păng lơ tơdrong kăp gĭt nai.