Năm akŏm păng iung pơma ah hop akŏm, Kơdră Anih jang đảng pơlei tơm HCM Nguyễn Văn Nên pơkăl Jơnŭm jang vei lăng kon pơlei pơlei tơm tơblang hơdăh tơdrong jang mŭk drăm – tơpôl kơ pơlei tơm, mă kăl noh gah tơdrong tam mă jang đei vă chă trong pơklaih, xơnong jang hơdăh lơ̆m khei năr truh.

Hăm tơchơ̆t pơm kiơ̆ Tơchơ̆t 98 đơ̆ng Kuôk hô̆i gah pơm jang minh ƀar trong jang gĭt hơtŏk pơlei tơm HCM, ƀok Nguyễn Văn Nên akhan, lơ̆m 7 khul tơchơ̆t jang đei Tơchơ̆t tơlĕch 'noh xơnong jang mă Kuôk hô̆i pơjao ăn Jơnŭm jang vei lăng kon pơlei pơlei tơm 'noh tih tên hăm 14 tơdrong jang kăp gĭt. 'Măng hop akŏm mă 10, Jơnŭm jang vei lăng kon pơlei pơlei tơm HCM gô pơgơ̆r lơ̆m 2 năr minh puơ̆t. Rim bơngai tang măt pơma hơdăh gah tơbang Pơkăp pơm kiơ̆ Tơchơ̆t kơsô̆ 98 đơ̆ng Kuôk hô̆i gah pơm jang kiơ̆ tơchơ̆t gĭt hơtŏk pơlei tơm HCM.