Pơtơm ‘măng hop akŏm mă 17, Hô̆i đŏng kon pơlei pơlei tơm HCM jăl 10, jăl jang 2021-2026
Thứ ba, 08:18, 16/07/2024
Lan chih tơblơ̆
Lan chih tơblơ̆
VOV4.Bahnar – Pơma ah ‘măng pơtơm hop akŏm mă 17, Hô̆i đŏng kon pơlei pơlei tơm HCM jăl 10, jăl jang 2021 -2026, ah pơgê ‘năr brei (15/7), Ƀĭ thư Thanh uy pơlei tơm HCM Nguyễn Văn Nên ăn tơbăt, sơnong jang lơ̆m khei năr oei lăi kơ sơnăm adoi nhen kơ tôm jăl jang noh trăp trĭn, pơkăl tôm athei hơdrin kơ-‘nôh hloh dơ̆ng lơ̆m khei năr truh.
Ƀĭ thư Thanh uy Nguyễn Văn Nên sơkơ̆t hơdah, ‘măng hop akŏm mă 17 đei lơ tơdrong kăp gĭt vă pơm kiơ̆ dôm tơchơ̆t hơtŏk mŭk drăm – tơpôl, hơtŏk tơdrong hơrih kon pơlei tơ̆ hơnăp lơ̆m kơđeh năr păng đunh khei năr.
Ƀĭ thư Thanh uy pơlei tơm HCM akhan, tơdrong jang truh âu kơnh noh trăp trĭn tơpă hăm lơ tơdrong jang kăp gĭt hloh noh pơm kiơ̆ dôm tơchơ̆t đơ̆ng Trung ương, Kuôk hô̆i, Jơnŭm pơgơ̆r teh đak vă pơm hiôk trong jang khôi luơ̆t ăn tơdrong jang kơ pơlei tơm. Tơ̆ anăp noh dah tenh kuăng tơroi tơbăt dôm hla bar lơ̆m pơkăp vă pơm kiơ̆ dôm Tơchơ̆t, Luơ̆t đei hơlen ah ‘măng hop akŏm Kuôk hô̆i yơ̆ng âu ki; tơlĕch pơm kiơ̆ Tơchơ̆t 84 gah asong jăl vei lăng vă pơm kiơ̆ Tơchơ̆t 98.
Viết bình luận