Lơ̆m 6 khei blŭng sơnăm, tơdrong jang mŭk drăm – tơpôl kơ dêh char Đăk Lăk pơtoi hơtŏk hơdah. Tôm tơchơ̆t hơtŏk tơnăp, hơvơn jên asong jang lơ̆m tơpôl, tơmam drăm tĕch leh, tơmam tĕch ăn teh đak đe, đei yua đơ̆ng jang tơmang pơhiơ̆ tŏk lơ pơtêng hăm khei năr âu sơnăm sơ̆. Dôm tơdrong jang joh ayŏ, jang tơbôl, pơyua ăn tơpôl pơtoi đei hơtŏk jang, hơdah noh dôm tơdrong jang pơlong tơbăt 120 sơnăm ơăr tơ-iung pơjing dêh char.

Ah hop akŏm âu, rim bơngai jang lơ̆m Hô̆i đŏng kon pơlei dêh char Đăk Lăk akŏm pơma đam, hơlen drơ̆ng nơ̆r  21 tơchơ̆t chih akŏm đei: Grŭp tơchơ̆t tơrĕk truh mŭk drăm, asong jang gah teh; grŭp Tơchơ̆t truh dôm Tơchơ̆t jang kơ teh đak; grŭp Tơchơ̆t tơrĕk truh tơdrong jang tơgŭm tơpôl; păng dôm tơdrong tơchơ̆t tơgŭm nai; grŭp Tơchơ̆t gah hơlen tơdrong jang tơm kơ Hô̆i đŏng kon pơlei dêh char sơnăm 2024 păng tơdrong hơlen jang kơ Hô̆i đŏng kon pơlei dêh char sơnăm 2025 păng dôm tơchơ̆t nai.