‘Măng pơlong pơtơm đei pơgơ̆r đơ̆ng năr 24 – 25/05 kơyuơ Rađiô nơ̆r pơma Việt Nam păng Rađiô Rapor – Pơdah Tivi Tuyên Quang jang atŭm pơgơ̆r. Pơlong Rapor pơre nơ̆r sơnăm âu hơvơn đei 81 Anih jang đơ̆ng dôm Rađiô Rapor Pơdah Tivi dôm dêh char pơlei tơm, dôm Anih jang kơ Rađiô nơ̆r pơma VN păng dôm anih jang lơ̆m Anih tơm Kŏng an, Anih tơm pơgơ̆r linh vang pơlong hăm jê̆ 380 tak phâm đơ̆ng 10 kơluăi.

Mă kăl, kơsô̆ tơdrong tơroi kơtă tŏk lơ hăm 37 anih jang vang pơlong. Tơ̆ ‘măng pơlong pơtơm, Jơnŭm châ̆m hơlen gô rơih dôm tak phâm hơgei hloh vă pơtruh pơlong ăn ‘măng mă Hơtuch kơ tơdrong Pơlong rapor pơre nơ̆r jơ̆p teh đak ‘măng mă 16, kơchĕng gô vă pơgơ̆r tơ̆ dêh char Thanh Hóa đơ̆ng năr 9-14/07 âu kơnh.