Pơtơm Năr akŏm “Bri kông Tây Nguyên – Akŏm tơdrong hơgei ‘lơ̆ng” tơ̆ Kon Tum
Thứ năm, 15:21, 30/11/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Hăm hơnăn “Bri kông Tây Nguyên – Akŏm tơdrong hơgei ‘lơ̆ng”, kơmăng ‘năr brei (29/11), tơ̆ Cham pơhiơ̆ 16/3 tơ̆ pơlei tơm Kon Tum, dêh char Kon Tum pơm Lêh pơtơm Năr akŏm Joh ayŏ, Tơplŏng kơdâu păng Tơmang pơhiơ̆ kon kông Tây Nguyên ‘măng mă I, sơnăm 2023.
Vang năm akŏm đei pơhlom 1.000 ngê̆ nhơ̆n, bơngai jang joh ayŏ, bơngai tơplŏng kơdâu păng bơngai tang măt ăn kon pơlei kon kông tŏk bŏk oei hơrih jang xa tơ̆ 5 dêh char Tây Nguyên. Pơma pơtơm păng pơgơ̆r năr akŏm, tang măt ăn kơ Đảng, Khul Kơpal teh đak, Đại tướng Tô Lâm, jang lơ̆m Anih tơm Chĭnh trĭ, Ƀô̆ trương Anih tơm Kŏng an ră hơdah: Đảng păng Teh đak hơnơ̆ng tơrĕk kăp gĭt hơtŏk tôm tơdrong păng kơjăp sơđơ̆ng tơring Tây Nguyên.
Đơ̆ng năr tơplih ‘nao truh dang ei hlôi tơchơ̆t tơlĕch lơ gah tơdrong âu. Năr 6/10/2022 Anih tơm Chĭnh trĭ jăl 13 hlôi tơlĕch Tơchơ̆t kơsô̆ 23 gah hơtŏk mŭk drăm – tơpôl păng vei sơđơ̆ng tơpôl tơring Tây Nguyên truh sơnăm 2030, sơkơ̆t lăng truh sơnăm 2045.
Viết bình luận