Tơdrong tơlĕch jên man Cham gre păr Quảng Trị đei Thủ tướng teh đak kĭ ăn trong tơmât jên man kiơ̆ trong jang hơdoi đơ̆ng teh đak hăm kon pơlei. Tơdrong jang vă man xă hlŏh 265 ha, hăm đĭ đăng jên jang hlŏh 5.800 ti, pơm lăp hăm tơdrong ‘mĕh vă sơng iŏk đei 5 triu ‘nu bơngai 1 sơnăm păng 25.500 tân tơmam 1 sơnăm. Tơchĕng adrol truh khei 7/2026, tơdrong jang gô đei tơmât yoa.

Pơma tơ̆ lêh tơlĕch jang, Phó Thủ tướng Lê Thành Long pơma hơdăh, Cham gre păr Quảng Trị hlôi đei Thủ tướng teh đak chĕng hơmet ăn ‘nŏh jĭ 1 lơ̆m 30 cham gre păr lơ̆m teh đak đei tơlĕch jên man adrol kơ sơnăm 2030. Anih tơm vei lăng trong nơnăm păng dôm anih tơm, anih jang kơpal đei ƀơm truh hơnơ̆ng tơrek truh, tơgŭm păng đei hơnăp jang vang sek tơlang tơtom tơdrong pơm hla ar păng hơmet pơ ‘lơ̆ng dôm tơdrong oei tơhlăk tăk mưh bơ̆ jang ming man.