Kơ iĕng Kơdră chĕp pơgơ̆r Radiô Nơ̆r Pơma Việt Nam, ƀok Ngô Minh Hiển pơm tơm jơ sơng pơma dơnuh. Ƀar păh hlôi pơma dơnuh tơbăt hơdăh dôm tơdrong jang hơdoi lơ̆m rim sơnăm au ki păng trong tơlĕch vă jang hơdoi lơ̆m sơnăm 2024. 

Tơ̆ jơ bơ̆ jang, Kơ iĕng Kơdră chĕp pơgơ̆r Radiô Nơ̆r Pơma Việt Nam, ƀok Ngô Minh Hiển pơma hơdăh, Radiô Nơ̆r Pơma Việt Nam hôn bơnê kơtang rim tơdrong vă jang hơdoi hăm Khul Wallonie-Bruxelles đơ̆ng lơ sơnăm au ki hlôi iŏk đei jơnei hơ iă pơm hơtŏk tơdrong bơ̆ jang gơ̆h ‘lơ̆ng hơ iă lơ̆m bơ̆ jang chih kơtơ̆ng ang ăn rim bơngai jang chih kơtơ̆ng ang kơ Radiô Nơ̆r Pơma Việt Nam pơma hơdrô̆, khul jang chih kơtơng ang Việt Nam pơma atŭm. Găh kơdih kau, Kơdră Khul Wallonie-Bruxelles-ƀok Pierre Du Ville hôn bơnê kơtang tơdrong jang hơdoi hăm Radiô Nơ̆r Pơma Việt Nam păng ‘meh vă tơplih ‘nao rim trong jang tơgŭm djru pơtho pơhrăm lơ̆m tơdrong jang chih kơtơ̆ng ang mă trŏ lăp păng jơnei hloh dơ̆ng.