Truh dang ei 60% hla ar hô sơ tơ̆ xăh kơ dêh char Kon Tum hlôi đei hơmet ‘lơ̆ng lơ̆m hơnih mạng, iŏk đei tơdrong hơgăt tơlĕch ăn truh sơnăm 2025. ‘Ngoăih kơ ‘noh, hloh 16.800 héc-ta ‘long pơtăm, 142 hơnih pơgar să đei iŏk yua dôm tơdrong hơgei khoa hŏk păng kơmăy kơmŏk; hloh 116.600 ŭnh hnam choh jang sa yua dôm hơnih mơdro sa điện tử.

Truh dang ei dêh char Kon Tum hlôi đei 48 xăh jang đang tơring tơrang ‘nao. Hơdai hăm ‘noh, dêh char kŭm hlôi đei 21 pơlei jang đang hơnih kon pơlei oei tơring tơrang ‘nao ‘lơ̆ng, 65 pơlei, pơla kon pơlei kon kông jang đei tơring tơrang ‘nao. ‘Nâu jĭ 1 lơ̆m dôm tơdrong gĭt kăl vă dêh char bơ̆jang kiơ̆ dôm trong jang ‘nao, pơcheh hơgei păng lăp vă pơtrŭt tơplih kơsô̆ lơ̆m choh jang sa păng hơtŏk tơiung tơring tơrang hơgei.