Ƀar păh drơ̆ng nơ̆r kăl hơnơ̆ng hơmet kơjăp tơdrong pơvei ‘lơ̆ng hơiă đơ̆ng sơ̆ păng jang hơdoi ‘lơ̆ng kiơ̆ đơ̆ng hơtŏk hlŏh dơ̆ng tơdrong ăn khul grŭp năm hơpong tơ̆ băl, mă loi jĭ khul jang tih. 2 ‘nu kơdră akhan, 2 tĕh đak oei đei lơ tơdrong ‘lơ̆ng vă hơtŏk tơdrong jang hơdoi găh tĕch mơdro, tơmât jên jang, choh jang xa...;

Drơ̆ng nơ̆r hơtŏk tơdrong pơgơ̆r ăn khul tĕch mơdro năm hơpong tơ̆ băl, vang pơgơ̆r dôm tơdrong tơlĕch trong tĕch mơdro, tơmât jên jang tơ̆ rim tĕh đak tơ̆ hơnăp kơnh, pơjing tơdrong ‘lơ̆ng ăn tơmam drăm ‘lơ̆ng gơ̆h tĕch ăn băl nhen tơmam đơ̆ng choh jang xa, phe ƀa, hơbăn ao, phŏng... gơ̆h tĕch tơ̆ anih tĕch mơdro dih băl; pơlung păng pơjing tơdrong ‘lơ̆ng ăn anih tĕch mơdro đơ̆ng 2 păh hơtŏk tơdrong jang xa hơdoi, vang tơmât jên lơ̆m dôm tơdrong jang tơ̆ rim tĕh đak.

Vă tơlĕch jang ‘lơ̆ng dôm trong jang kơpal, 2 păh drơ̆ng nơ̆r athei hơmet mă ‘lơ̆ng păng jăh pơgơ̆r hop akŏm ‘măng mă 6 Anih jang hơdai Việt Nam - Ai Cập; jăh hơmet pơ ‘lơ̆ng trong jang hơdoi mă lăp găh rim tơdrong đơ̆ng 2 tĕh đak.