Pơma tơ̆ âu, Phó Thủ tướng Trần Lưu Quang tơchĕng ‘lơ̆ng dôm tơdrong adrin đơ̆ng Anih tơm jang Khoa hŏk păng kơmăy kơmŏk ‘nao, Anih vei lăng Tơring jang kơmăy rơgei Hòa Lạc, Anih vei lăng kon pơlei plt Hà Nội păng dôm Anih tơm, anih jang kơpal vang pơjing Tơring jang kơmăy rơgei Hoà Lạc jang pran rơgei nhen hrei ‘nâu.

Phó Thủ tướng athei Anih vei lăng kon pơlei plt Hà Nội đơ̆ng rŏng kơ iŏk vei lăng Tơring jang kơmăy rơgei Hòa Lạc athei jang ‘moi kiơ̆ păng tưk tơiung dôm tơdrong jơnei hlôi iŏk đei mưh tơiung pơjing păng jang tŏk Tơring âu đơ̆ng sơ̆ truh dang ei; vei lăng sơđơ̆ng ‘lơ̆ng, ưh ăn đei tơhlăk lơ̆m tơdrong pơjing, jang tŏk păng vei lăng Tơring jang kơmăy rơgei Hòa Lạc; hơdai hăm ‘nŏh Plt athei akŏm jơhngâm pran, jên, jang tơmam đơ̆ng plt păng đơ̆ng jang hơdoi nai vă tưk tơiung Tơring jang kơmăy rơgei Hòa Lạc.