Quảng Ninh hơnơ̆ng pơvei anih dơ̆ng hơdrol sơnăm mă 7 tơtil hăm 71,25 điêm găh PCI
Thứ sáu, 08:50, 10/05/2024
VOV/Thuem tơblơ̆
VOV/Thuem tơblơ̆
VOV4.Bahnar - Pơgê brei (9/5), tơ̆ Hà Nội, Khŭl jang Mơdro sa păng Kơmăy kơmŏk Việt Nam (VCCI) pơgơ̆r Lêh tơbăt hơdăh Kơsô̆ kĕ pơjei kơ dêh char (PCI) păng Kơsô̆ Rơgoh kơ dêh char (PGI) 2023. Sơnăm ‘nâu dêh char Quảng Ninh hơnơ̆ng pơvvei anih dơ̆ng hơdrol sơnăm mă 7 tơtil hăm 71,25 điêm găh PCI.
Tơroi tơbăt Kơsô̆ kĕ pơjei kơ dêh char (PCI) păng Kơsô̆ Rơgoh kơ dêh char (PGI) 2023 đei pơjing kiơ̆ lơ̆m kơtơ̆ng ang tơroi plơ̆ đơ̆ng hơlen lăng Hơnih tĕch mơdro 2023 kiơ̆ đơ̆ng pơtôch hơlen lăng hloh 10.000 anih mơdro sa lơ̆m teh đak. Sơnăm ‘nâu dêh char Quảng Ninh hơnơ̆ng pơvei anih dơ̆ng hơdrol sơnăm mă 7 tơtil găh PCI, đang kơ ‘noh Long An, Hải Phòng, Bắc Giang, Đồng Tháp.
Pơma tơ̆ lêh tơbăt hơdăh, Kơdră VCCI Phạm Tấn Công akhan, hăm tơdrong pơjing păng roi tơbăt hơdăh PGI hơdai hăm kơsô̆ PCI, VCCI ‘meh vă dôm tơring hơnơ̆ng hơmet ming hơnih mơdro sa pran kơtang hơdai hăm bơngơ̆t hloh truh hơtŏk tơiung mŭk drăm tơklep hăm tơdrong vei lăng cham char.
Viết bình luận