Kơsơ̆ 21/5, tang măt Anih chĕp kơ̆l pơgơ̆r Quốc hội, Tổng Thư ký Quốc hội Bùi Văn Cường tơroi hla ar pơtruh hơmet ming Tơdrong jang ‘Măng hop akŏm mă 7. Hla ar pơtruh tơroi rơđăh, lăng kiơ̆ nơ̆r tơgop đơ̆ng kơdră gơh kĭ tơchơ̆t, bơ̆jang kiơ̆ tơdrong hơgăt đơ̆ng khôi luơ̆t păng ‘meh vă yan âu hơmet tôm khŭl jang Teh đak, đơ̆ng rŏng kơ set hơlen athei đơ̆ng Thủ tướng, Anih chĕp kơ̆l pơgơ̆r Quốc hội athei Quốc hội ăn phep chih tơmơ̆t dơ̆ng tơdrong kĭ ăn athei đơ̆ng Thủ tướng găh tơdrong ăn pơdơh kơ pơm Kơdră Anih tơm vei lăng Kŏng an.

Lăp đơ̆ng rŏng kơ ‘noh, Quốc hội hlôi yơ̆r ti pơdrơ̆ng kiơ̆ tơdrong hơmet ming Tơdrong jang ‘Măng hop akŏm mă 7. Hơdrol ‘noh, tơ̆ Hop akŏm ‘măng mă 9, Trung ương drơ̆ng 1 nơ̆r tôch kơ lơ roi tơƀôh Bơngai jang lơ̆m Anih tơm Chĭnh trĭ, Kơdră Anih tơm vei lăng Kŏng an, Đại tướng Tô Lâm, vă Quốc hội jăl XV pôk pơm Kơdră teh đak, jăl jang 2021-2026. Kơsơ̆ 21/5, đơ̆ng rŏng kơ pơma dơnuh, yơ̆r ti pơdrơ̆ng kiơ̆ hơnăn chih vă pôk pơm Kơdră teh đak, Quốc hội pơgơ̆r pôk Kơdră teh đak.