Quốc hội pơgơ̆r yơ̆r ti pơdrơ̆ng kiơ̆ Tơdrong tơchơ̆t đơ̆ng Quốc hội găh khŭl kơdră pơgơ̆r anih kơ drơ̆m păng pơlong lăng 1,2 tơdrong jang tơgŭm hơdrô̆ hơtŏk tơiung pơlei tơm Đà Nẵng. Pơtôch, 93% ‘nu bơngai tang măt vang yơ̆r ti drơ̆ng lăp (452/459) pơdrơ̆ng kiơ̆ Tơdrong tơchơ̆t găh khŭl kơdră pơgơ̆r Anih kơdrơ̆m păng pơlong lăng 1,2 tơdrong jang tơgŭm hơdrô̆ hơtŏk tơiung pơlei tơm Đà Nẵng.

Hăm tơdrong pơlong lăng pơjing Hơnih tĕch mơdro hiôk hian, Anih chĕp kơ̆l pơgơ̆r Quốc hội lăng ƀôh, tơdrong pơlong lăng pơjing Hơnih tĕch mơdro hiôk hian ‘noh jĭ trong jang tih hlôi đei tôm lăng kiơ̆ chĭnh trĭ, lăng kiơ̆ trŏ luơ̆t; tơdăh bơ̆jang kiơ̆ jơnei gô pơm tơdrong ‘lơ̆ng pơtrŭt hơtŏk tơiung mŭk drăm - tơpôl kơ pơlei tơm Đà Nẵng păng kơ pơđĭ tơring. Hơdrol ‘noh, hăm kơ sô̆ kơ phiê̆u dôm bơngai tang măt drơ̆ng lăp (453/459), 93,21%; Quốc hội hlôi pơdrơ̆ng kiơ̆ Tơdrong tơchơ̆t găh pơlong lăng tơmơ̆t dơ̆ng 1,2 trong jang tơgŭm hơdrô̆ hơtŏk tơiung dêh char Nghệ An.