Kŭm lơ̆m kơ sơ̆ ‘năr 6/6, Quốc hội hlôi jang đang tơdrong jang apĭnh jet păng tơl nơ̆r apĭnh jet tơ̆ ‘Măng hop akŏm mă 7. Tơpăt păng jang tơnăp. ‘Noh jĭ lăng ƀôh atŭm đơ̆ng dôm bơngai tang măt păng bơngai tăh hla lơ̆m 2 năr 1 puăt apĭng jet. Phŏ Thủ tướng Trần Hồng Hà păng 4 Kơdră anih tơm, anih jang hlôi kơtă tơl nơ̆r lơ tơdrong mă dôm bơngai tang măt Quốc hội tơlĕch ăn. Dôm bơngai tang măt Quốc hội hlôi tơlĕch nơ̆r apĭnh tŏ sĕt, rơđăh, ‘moi kiơ̆ tơdrong, tơroi ƀlep yan âu tơdrong arih sa; mă loi ‘noh jĭ, ưh kơ dơ̆ tơroi truh dôm tơdrong tơ tŏ lơ̆m tơpôl.

Tơdrong apĭnh jet tơ̆ hơnih hop akŏm hlôi ăn ƀôh jơhngơ̆m đon tơpăt păng tơnăp đơ̆ng dôm yŏng chĕp kơ̆l anih jang, vă hơmet pơ ‘lơ̆ng dôm tơdrong mơmat tat, tơhlăk tơhlĭn vă hơtŏk tơiung mŭk drăm - tơpôl. Tơl nơ̆r tơ̆ hơnăp Quốc hội, Phŏ Thủ tướng Trần Hồng Hà pơm ahơdăh dôm trong jang vei lăng kơjă vă vei sơđơ̆ng tơdrong hơgăt vei lăng hơtŏk kơjă mưh jang kiơ̆ hơmet ming jên khei đơ̆ng 01/7 truh.