Quốc hội pơma dơnuh găh 1,2 tơdrong oei tơgop nơ̆r pha ra băl đơ̆ng Luơ̆t hơmet ming, tơmơ̆t dơ̆ng 1,2 hơpăng đơ̆ng Luơ̆t Pơgang
Thứ tư, 10:51, 23/10/2024
VOV/Thuem tơblơ̆
VOV/Thuem tơblơ̆
BAHNAR.VOV.VN - Hơnơ̆ng Tơdrong jang ‘Măng hop akŏm mă 8, Quốc hội jăl 15, pơgê brei (22/10) Quốc hội pơgơ̆r pơma dơnuh tơ̆ hơnih hop akŏm găh 1,2 tơdrong oei tơgop nơ̆r pha ra băl đơ̆ng Luơ̆t hơmet ming, tơmơ̆t dơ̆ng đơ̆ng Luơ̆t Pơgang.
Vei lăng kơjă, tơjră tơdrong tĕch ôn pơgang kơdih, tơmam pơm pơgang, chă bơngai iŏk răt pơgang, hơnăp jang đơ̆ng khŭl jang, bơngai bơ̆jang kiơ̆ chih tơroi rơđăh pơgang, vei lăng pơgang... jĭ 1 lơ̆m tơdrong đei lơ bơngai tang măt bơngơ̆t truh, tơgop gơ̆r.
Tơblang pơm hơdăh dôm tơdrong bơngơ̆t đơ̆ng bơngai tang măt, Kơdră Anih tơm vei lăng jang pơgang Đào Hồng Lan akhan tơdrong jang tơgŭm tơmơ̆t jên jang hơtŏk tơiung kơmăy kơmŏk pơgang dang ei oei răh rai lơ̆m dôm hla ar luơ̆t nai nhen luơ̆t teh, luơ̆t tơmơ̆t jên jang... kơna tơchơ̆t đei tơdrong hơdrô̆ hăm kơloăi anih mơdro sa ‘nâu mưh hơmet ming luơ̆t tơmơ̆t jên jang, luơ̆t thuế iŏk yua anih mơdro sa.
Viết bình luận