Lơ bơngai tang măt Quốc hội pơma hơdăh, tĕch mơdro bơngai đei Liên hợp quốc băt hơdăh ‘noh jĭ 1 lơ̆m 4 tơdrong yoch krê hơmơt hloh. Khei ‘năr âu ki, tơdrong tĕch mơdro bơngai oei hơnơ̆ng đei ƀôh krê hơmơt lơ̆m jơ̆p plĕnh teh.

Tơroi ăn tơdrong pơm glăi ‘nao lơ̆m tơdrong arih sa tơpôl  ‘noh jĭ tĕch mơdro nge oei lơ̆m klak mĕ, dôm bơngai tang măt akhan tơdrong joăt oei sa ‘lơ̆ng, mă lei khôi luơ̆t sek phak Việt Nam dang ei tam mă đei hơgăt hơdăh hơmet ming tơdrong ‘nâu. Yua thoi noh, kăl kơ tơmơ̆t dơ̆ng chă druh rôp hơnăp jang sek phak lơ̆m tơdrong tĕch mơdro nge oei lơ̆m klak.