Dôm bơngai tang măt lăng ‘lơ̆ng pơtôch đei 2 rơbâu 216 nơ̆r apĭnh đơ̆ng bơngai tăh hla gơih truh ‘Măng hop akŏm mă 7 đei akŏm gơih truh dôm anih jang gơh hơmet pơ ‘lơ̆ng (đei 99,7%). Vă dôm nơ̆r apĭnh đei sơng iŏk, klăih song păng hơmet pơ ‘lơ̆ng tôm, dôm bơngai tang măt apĭnh tơlĕch jang pơjing hơnih chih răk tơgoăt hơdai lơ̆m sơng iŏk, hơmet pơ ‘lơ̆ng nơ̆r tơgop đơ̆ng bơngai tăh hla vă kơ hiôk ăn sơng iŏk, klăih song păng răp hơlen kơplăh hơmet pơ ‘lơ̆ng nơ̆r tơgop đơ̆ng bơngai tăh hla, veh ver tơdrong gơih hla ar lei lăi băl, tơjur tơdrong kơhret ăn dôm anih jang gơh kĭ ăn lơ̆m kơplăh hơmet pơ ‘lơ̆ng.

Bơngai tang măt Nguyễn Thị Ngọc Xuân, khŭl Bình Dương athei: đơ̆ng rŏng rim ‘măng hop akŏm Anih chĕp kơ̆l pơgơ̆r Quốc hội rơih iŏk 1,2 nơ̆r tơgop, apĭnh tam mă đei hơmet pơ ‘lơ̆ng vă dăr hơlen pơm tơdrong tơplih rơđăh lơ̆m yan âu.