Tơdrong đei tơpôl tơrek hlŏh lơ̆m luơ̆t oei chih hơmet ming âu ‘nŏh jĭ năng xăng gơ̆h pơlôch bơngai tôch krê. Kiơ̆ Anih tơm vei lăng Công an, khei ‘năr âu ki, tơdrong iŏk yoa glăi luơ̆t phao kip, phao pơm kơdih, xăng vă tơhli, pơlôch băl đei ƀôh tôch krê. Lơ̆m 5 sơnăm âu ki chă ƀôh vă jê̆ 17.000 tơdrong glăi, rôp vei hlŏh 26.000 ‘nu bơngai iŏk xăng tơhli vă kŏh, ƀet đe tôch krê, pơm tơtŏ đon tơpôl.

Mă tơpă mưh dăr hơlen dôm tơdrong glăi ăn ƀôh, lăp sek phak mưh đei tôm tơdrong kăl akhan bơngai âu pơm yoch dôm tơdrong yoch nai đĕch, mă ưh kơsĭ sek tơlang bơngai chĕp vei, iŏk yoa phao kơtoang, yoa lơ̆m luơ̆t dang ei ưh tam đei chih xăng jĭ phao kơtoang. Luơ̆t oei tơroi ăn Quốc hội pơma nuh, chih hơgăt xăng jĭ tơmam gơ̆h pơlôch bơngai tôch krê, mưh đe iŏk yoa vă pơm glăi; Mưh iŏk yoa xăng lơ̆m tơdrong jang xa, arih xa ‘nŏh ưh đei ƀơm truh luơ̆t ‘nâu.