Mât lơ̆m giĕng bơ̆ jang mă 2 đơ̆ng Hop akŏm mă 8, pơgê hei, 28/10, Quốc hội mơ̆ng Kơdră Anih vei lăng mŭk drăm kơ Quốc hội Vũ Hồng Thanh, Phŏ Kơdră Khul dăr lăng kơ Quốc hội pơre hla ar chih đơ̆ng Khul dăr lăng kơ Quốc hội găh tơdrong bơ̆ jang kiơ̆ tơdrong tơgŭm, khôi luơ̆t mưh vei lăng tơdrong tĕch mơdro teh hnam oei păng man hnam pơyoa ăn tơpôl đơ̆ng sơnăm 2015 truh đĭ sơnăm 2023. Dôm bơngai tang măt năng video clip găh tơdrong jang kiơ̆ trong tơgŭm, khôi luơ̆t mưh vei lăng tơdrong tĕch mơdro teh, hnam oei păng atŏk tơiung hnam oei ăn tơpôl đơ̆ng sơnăm 2015 truh đĭ sơnăm 2023.

Đơ̆ng rŏng kơ ‘nŏh, Quốc hội pơma nuh tơ̆ Hnam hôp găh Hla ar chih tơroi đơ̆ng Khul dăr lăng păng tơdrong vă tơchơ̆t đơ̆ng Quốc hội găh tơdrong dăr hơlen kiơ̆ tơdrong jang "mưh bơ̆ jang tơdrong tơgŭm, khôi luơ̆t găh vei lăng tĕch mơdro teh, hnam oei păng atŏk tơiung hnam oei ăn tơpôl đơ̆ng sơnăm 2015 truh đĭ sơnăm 2023". Bơngai jang lơ̆m Khul kơdră teh đak đei ƀơm truh gô tơl tơblang, pơm hơdăh 1,2 tơdrong đei bơngai tang măt Quốc hội pơma tơlĕch.