Tơ̆ jơ pơma nuh, Kơdră tơm vei lăng trong nơnăm Nguyễn Văn Thắng ăn tơbăt, tơdrong tơm pơm ăn tơdrong jang hiơ̆ hyĭn, ‘ngoăih kơ dôm tơdrong đơ̆ng ‘ngoăih nhen anih pơgơ̆r jang roi tơbăt ăn, Khul kơdră tĕh đak kŭm akhan yoa kơdră chĕp kơ̆l lơ̆m Anih vei lăng kon pơlei dêh char Đồng Nai lơ̆m khei ‘năr bơ̆ jang tơdrong ‘nâu đei lơ tơplih.

Kiơ̆ dôm bơngai tang măt, mă tơpă tơdrong jang pơm cham gre păr Long Thành oei tôch hiơ̆ păng tơƀâp lơ pơmat tat. Bơngai tang măt akhan, đei lơ tơdrong pơm tơlĕch tơdrong ‘nâu, Khul kơdră teh đak, dêh char Đồng Nai athei tơblang hơdăh vă đei dơ̆ng dôm ƀai hŏk kăl păng ning mônh kơnh mưh tơlĕch jang dôm tơdrong jang thoi âu gơ̆h hiôk hian ƀiơ̆. ‘Ngoăih kơ ‘nŏh, tơdrong tơlĕch jang tơdrong pơtho tơdrong jang, chă tơdrong jang păng hơmet ming tơdrong arih xa ăn kon pơlei đei bơ̆ jang tôch hiơ̆, kơplăh ‘nŏh ‘nâu jĭ tơdrong tôch gĭt kăl lơ̆m tơdrong jang. Bơngai tang măt athei tơchĕng hơlen, mă hơdăh păng đei trong jang mă ‘lơ̆ng ăn tơdrong ‘nâu.