Lơ̆m jơ bơ̆ jang til pơgê, Kơdră tơm vei lăng jŏh ayŏ kơdŏ xoang, tơplŏng kơdâu păng chă tơmang lăng, kiơ̆ nơ̆r athei đơ̆ng Thủ tướng teh đak pơre Hla ar chih găh Trong tơmât jên jang ăn Tơdrong jang tơm kơ teh đak găh atŏk tơiung jŏh ayŏ kơ dŏ xoang đơ̆ng 2025 – 2035. Đơ̆ng rŏng kơ ‘nŏh, Kơdră Anih joh ayŏ kơ dŏ xoang, pơtho pơhrăm kơ Quốc hội pơre hla ar chih hơlen năng trong tơmât jên jang ăn Tơdrong jang tơm kơ teh đak găh atŏk tơiung jŏh ayŏ kơ dŏ xoang đơ̆ng 2025 – 2035.

Đơ̆ng rŏng kơ ‘noh, Quốc hội hơnơ̆ng pơma nuh tơ̆ hnam hôp găh Luơ̆t vei lăng, iŏk yoa phao kơtoang, tơmam đôh păng tơmam tơgŭm (oei chih hơmet); bơngai tang măt ăn Khul kơdră teh đak, pơm hơdăh 1,2 tơdrong mă bơngai tang Quốc hội pơma tơlĕch. Jơ bơ̆ jang tơ̆ kơsơ̆ pơih blŭng hăm tơdrong pơre Hla ar chih tơroi găh Luơ̆t Công đoàn (oei chih hơmet) đơ̆ng Kơdră chĕp kơ̆l Tổng Liên đoàn Lao động Việt Nam; Kơdră Anih vei lăng tơpôl kơ Quốc hội pơre hla ar chih Hơlen năng Luơ̆t Công đoàn (oei chih hơmet ming).