Kiơ̆ tơdrong tơchĕng đơ̆ng Khul kơdră teh đak, jên thu mong, tơlĕch jang kơ teh đak oei đei lơ tơdrong ưh gan sơđơ̆ng ƀât mă mŭk drăm, tơpôl lơ̆m păng ‘ngoăih kơ teh đak oei đei lơ tơdrong jur tŏk, tơdrong thu mong jên teh đak ‘nao vă sơđơ̆ng dơ̆ng, tơdrong tĕch mơdro teh, hnam oei tam mă ƀôh vă tŏk pran dơ̆ng, tơdrong tơmât jên jang hơdoi, iŏk pơdreu jên teh đak khei ‘năr âu ki oei tôch hiơ̆... jing pơm pơmat tat mưh thu mong jên.

Kơplăh ‘nŏh, tơdrong athei tơlĕch jên jang tôch lơ, đei hloi: tơlĕch jên ăn dôm tơdrong jang gĭt kăl găh trong nơnăm, anih jang, dôm tơdrong jang kăl găh chinh trĭ, jang tơbôl, khul linh vei lăng sơđơ̆ng teh đak, vei sơđơ̆ng tơpôl... Găh jên vă tơlĕch jang kơ teh đak, trong pơtruh jên trung ương sơnăm 2025, Khul kơdră teh đak vă hơmet tôm ‘lơ̆ng kiơ̆ trong: pơ ‘nhŏ hơdrol jên vă jang tŏk; tơlĕch jên vă kla tôm hre, trŏ khei ‘năr; hơmet hiă jên vă tơlĕch jang, jên ‘măn răk kơ teh đak mă lăp vă sek tơlang dôm tơdrong kăl ‘nao đei.