Đơ̆ng blŭng sơnăm truh dang ei, lơ̆m dêh char Gia Lai chih iŏk 9 ‘măng glơ̆k kơ đak pơm ăn 13 ‘nu hơioh lôch, găh lơ ‘noh tơ̆ dôm tơring mơmat tat, tơring kon pơlei kon kông. Anih jang đoàn dêh char Gia Lai tơbăt, rim sơnăm, Khŭl hơdruh tơdăm oei pơgơ̆r dôm lăm pơtho glơi đĕch ăn kơ hơioh. Tơ̆ hơnăp tơdrong hơioh tơ̆ dôm tơring mơmat tat glơ̆k kơ đak tŏk lơ, sơnăm ‘nâu anih jang gô tơlĕch jang truh dôm tơring hơtăih hơtŏ, tơm ‘noh jĭ dôm kang ƀô̆ đoàn tơ̆ tơring vă đe oh hŏk tro đei tơdrong hiôk gơh hŏk glơi.

Ƀok Phạm Trần Anh, Phŏ Kơdră Anih vei lăng bơngai jang, lĭnh jĭ rơka păng tơpôl dêh char Gia Lai akhan, vă tang găn glơ̆k kơ đak tơ̆ hơioh tôch kơ kăl tơdrong vang jang hơdai đơ̆ng đĭ đăng tơpôl. Mă loi ‘noh jĭ ŭnh hnam kăl kơ bơngơ̆t truh hloh lơ̆m tơdrong vei lăng hơioh, mă loi ‘noh lơ̆m năr pơdơh he vă jê̆ truh.