Hơkâu ƀok Nguyễn Phú Trọng đei ming tơ̆ Hnam pơdong kơ Teh đak kơsô̆ 5 Trần Thánh Tông, pơlei tơm Hà Nội.

Lêh hơpong kơ ƀok Nguyễn Phú Trọng đei pơgơ̆r tơ̆ Hnam pơdong kơ Teh đak kơsô̆ 5 Trần Thánh Tông, pơlei tơm Hà Nội, pơtơm đơ̆ng 07 jơ pơgê truh 10 jơ kơmăng ‘năr 25 khei 7 sơnăm 2024 păng đơ̆ng 07 jơ pơgê truh 1 jơ kơsơ̆ ‘năr 26 khei 7 sơnăm 2024.

Lêh pơdong ƀok Nguyễn Phú Trọng đei pơgơ̆r ƀơ̆t 1 jơ kơsơ̆ ‘năr 26 khei 7 sơnăm 2024 tơ̆ Hnam pơdong kơ teh đak kơsô̆ 5 Trần Thánh Tông, pơlei Hà Nội.

Lêh ƀŭ ƀơ̆t 3 jơ kơsơ̆ hơdai lơ̆m năr tơ̆ Pơsat Mai Dịch, pơlei tơm Hà Nội.

Lêh hơpong, pơdong ƀŭ ƀok Nguyễn Phú Trọng đei pơgơ̆r hơdai hăm jơ kơpal tơ̆ Hnam hop akŏm Thống Nhất, pơlei tơm Hồ Chí Minh păng tơ̆ pơlei ƀok xăh Đông Hội, apŭng Đông Anh, pơlei tơm Hà Nội.

Anih pơdăh tivi Việt Nam păng Anih radiô nơ̆r pơma Việt Nam gô pơih pơre tơpăt lêh hơpong, pơdong, ƀŭ ƀok Tổng Bí thư Nguyễn Phú Trọng tơ̆ Hà Nội, pơlei tơm Hồ Chí Minh.

Lơ̆m 2 năr teh đak pơgơ̆r pơdong (25/7/2024 păng 26/7/2024), rim anih jang ăn teh đak, anih jang kơ tơpôl hơtol hla kơ sơ ‘ngon, ưh pơgơ̆r dôm tơdrong ngôi pơchơt lơ̆m tơpôl.