Khei ‘năr âu ki, đei tơdrong tơgŭm đơ̆ng Liên Hợp quốc păng dôm teh đak jang hơdoi găh vei lăng rơngei, Anih tơm vei lăng Công an Việt Nam pơih lơ lăm pơtho pơhrăm lơ̆m păng ‘ngoăih kơ teh đak ăn hlŏh 70 ‘nu linh vă kơchăng mât jang vang vei lăng tơdrong rơngei đơ̆ng Liên hợp quốc. Hrei ‘nâu, Anih tơm vei lăng Công an Việt Nam đĭ đei 15 ‘nu si quan pơm lăp hăm tơdrong ‘mĕh vă đơ̆ng Liên hợp quốc vă năm jang vei lăng rơngei kiơ̆ trong năm jang hơdrô̆.

Anih tơm vei lăng Công an tơchơ̆t pơjing Khul linh kanh sat vei lăng rơngei kơsô̆ 1 vă tơmât lơ̆m Khul kơchăng bơ̆ jang kiơ̆ nơ̆r athei đơ̆ng Ban Thư ký Liên Hiệp Quốc. Tơdrong tơchơ̆t âu tơƀôh hơdăh nơ̆r pơkăp tôch pran đơ̆ng Đảng, teh đak, Anih tơm vei lăng Công an Việt Nam vang jang tôch tơnăp vă vei kơjăp tơdrong rơngei, sơđơ̆ng, jang atŏk tơiung tơ̆ tơring păng lơ̆m apŭng plenh teh.