Công an oei apinh jet dôm bơngai đei rôp vei âu păng hơnơ̆ng chă rôp dơ̆ng dôm bơngai pơm yoch oei đei dơ̆ng. Dang ei, dôm khul linh oei hơnơ̆ng chă druh rôp dôm bơngai pơm yoch oei đei dơ̆ng vă sek tơlang tơpăt kiơ̆ khôi luơ̆t. 

Adrol kơ ‘nŏh, pơgê hrôih ‘năr 11/6, tơ̆ apŭng Cư Kuin đei tơdrong 1 khul grŭp chĕp phao tơblăh tơdrŭt Anih vei lăng kon pơlei xăh Ea Tiêu păng Ea Ktur, pơm ăn mĭnh kơsô̆ Công an xăh, kăn ƀô̆ xăh, kon pơlei lôch păng rơka... Đơ̆ng rŏng đei tơdrong, Anih tơm vei lăng Công an pơtho ăn Công an dêh char Dak Lak, dôm anih jang kơpal pơgơ̆r chă rôp dôm bơngai kơpal, dŏng đei 1,2 ‘nu kon pơlei đei khul pơm yoch rôp pơkơ̆ng.

Anih tơm vei lăng Công an athei kon pơlei apŭng Cư Kuin păng dôm tơring jŭm dăr chơ̆n jơhngâm, lê̆ kơ hli tăr văr; bơ̆ jang kiơ̆ nơ̆r athei khul kơdră pơgơ̆r tơring păng dôm khul jang kơpal. Tơdăh bu băt dôm bơngai pơm yoch kơpal, athei năm tơroi ăn Công an jê̆ hlŏh. Hăm dôm anih chih hla ar tơroi athei hơlen năng rim tơdrong mă trŏ adrol kơ chih tơdrong kơtơ̆ng vă dôm tơdrong kơtơ̆ng ang ‘nŏh gơ̆h trŏ ƀlep.