Sơđơ̆ng ăn tơdrong tĕch răt, sơđơ̆ng kơjă tĕch mơdro hơtuch sơnăm 2023 păng Têt Nguyên đán Giáp Thìn 2024
Thứ bảy, 08:16, 04/11/2023 VOV/Amazưt tơblơ̆ VOV/Amazưt tơblơ̆
VOV4.Bahnar - Hơnih tơm vei lăng Mơdro sa ‘nao tơlĕch nơ̆r athei jang kiơ̆ găh rim trong jang pơm sơđơ̆ng ăn tơdrong tĕch răt, sơđơ̆ng kơjă tĕch mơdro hơtuch sơnăm 2023 păng khei ‘năr Têt Nguyên đán Giáp Thìn 2024.

10 khei au ki, akŏp tĕch mơdro tơmam drăm păng iŏk đei mơdro sa tŏk 9,4% pơtêng hăm sơnăm 2022. Hơnih tơm vei lăng Mơdro sa sơkơ̆t hơdăh, lơ̆m khei năr kơnh, tơdrong tĕch mơdro tơmam drăm lơ̆m apuưng plenh teh gô đei lơ tơdrong tơplih.

Vă sơđơ̆ng ăn tơdrong tĕch răt rim tơmam drăm kăl, pơm sơđơ̆ng tĕch mơdro tơmam drăm lơ̆m khei ‘năr hơtuch sơnăm 2023 păng khei ‘năr Têt Nguyên đán Giáp Thìn sơnăm 2024, Hơnih tơm vei lăng Mơdro sa athei Hơnih vei lăng mơdro sa rim dêh char, pơlei tơm găh Trung ương, rim hơnih jang, Khul mơdro sa hrôih pơjing trong pơprŏ jang pơm tơlĕch, tĕch mơdro, rim trong tĕch tơlĕch tơmam drăm păng hơmet pơ ‘lơ̆ng tơdrong ưh sơđơ̆ng lơ̆m tĕch mơdro, tơlĕch jang hơmet pơ ‘lơ̆ng tơdrong tĕch răt, sơđơ̆ng kơjă, ưh kơ lê̆ đei tơdrong ưh kơ măh tơmam drăm pơm hơtŏk kơjă lơ̆m khei ‘năr hơtuch sơnăm păng Têt Nguyên đán. 

VOV/Amazưt tơblơ̆

Viết bình luận

TIN CÙNG CHUYÊN MỤC