‘Nâu jĭ 1 lơ̆m 4 anih đei pơih pơdăh đơ̆ng Trung ương pơgơ̆r năm bơ̆ jang tơgŭm ăn kon pơlei kon kông. Tơdrong jang sơnăm ‘nâu hăm 5 tơdrong jang tih ‘nŏh: Tơgŭm ăn pơyan thi, Pơyan he rơgŏh ‘lơ̆ng, Pơkao tơsing ƀrê, Pơyan pơdơ̆h ƀreu păng năm bơ̆ jang vei lăng cham char.

Sơnăm mơlôh Đắk Lắk adrin pơjing 20 jăl trong tơ̆ tơring kơdrâm gơ̆h hơgei; man 10 tŏ hnam tơgŭm ăn bơngai tơnuh, hŏk pơmat tat, hnam oei tơ̆ hnam trưng; pơtăm 300.000 tơnơm ‘long; hơmet ming păng pơm ‘nao hlŏh 100km trong tơ̆ tơring. Pơtâp pơhrăm găh tơdrong iung jang xa păng tơgŭm ăn dôm tơdrong iung jang xa gơ̆h hơgei đơ̆ng druh dăm; hơtŏk tơdrong iŏk yoa kơmăy sô̆ ăn druh dăm, hơiŏh iĕ păng kon pơlei... Đơ̆ng rŏng kơ pơm lêh hlôi pơgơ̆r lơ tơdrong jang tơ̆ apŭng Krông Bông, akŏm đĭ đăng đei kơjă hlŏh 2 ti hlak jên.