Lơ oh hŏk tro ăn tơbăt  ƀôh tôch hơđơ̆ng jơhngâm mưh mât thi. Anih pơgơ̆r thi jơ̆p tơring athei dôm anih thi pơjing tơdrong ‘lơ̆ng hlŏh vă đe oh hơđơ̆ng jơhngâm lơ̆m dôm năr thi tốt nghiệp THPT sơnăm ‘nâu, dêh char Đắk Lắk đei hlŏh 21.000 ‘nu hŏk tro vang thi tơ̆ 33 anih thi hăm hlŏh 870 lăm thi tơ̆ đĭ đăng apŭng, thĭ xăh, plt.

Hlŏh 3.000 ‘nu kăn ƀô̆, thây kô năng thi, vei lăng păng pơvih tơ̆ dôm anih thi. Vă hŏk tro gơ̆h hiôk sơđơ̆ng lơ̆m jơhngâm lơ̆m dôm năr thi, ƀok Phạm Đăng Khoa, Kơdră Anih vei lăng pơtho pơhrăm dêh char Đắk Lắk, Phŏ Kơdră Anih pơgơ̆r thi tốt nghiệp THPT kơ dêh char athei Khul pơgơ̆r thi tơ̆ jơ̆p tơring pơjing tơdrong ‘lơ̆ng vă tơgŭm ăn đe oh.

- Lâm Đồng đei vă jê̆ 15.500 ‘nu hŏk tro chih hơnăn pơlong, lơ̆m ou đei hloh 2.500 ‘nu hŏk tro kon kông, vă sơđơ̆ng ăn pơlong ‘lơ̆ng hơ iă, ƀlep hăm tơchơ̆t păng rơvơn chă yơ yak, oei sa, Lâm Đồng hlôi hơmet ăbn 675 lăm pơlong tơ̆ jơ̆p kơ apŭngm pơlei tơm lơ̆m dêh char.

Kiơ̆ đơ̆ng ƀok Phạm S, Kơ iĕng kơdră chĕp pơgơ̆r dêh char Lâm Đồng, atŭm hăm sơđơ̆ng rim hnam trương, bơngai jang vei lăng pơlong, dêh char oei lăng kơjăp bơ̆ jang vei lăng sơđơ̆ng trong nơnăm, rơgoh tơmam sa, hơnih oei sa, ăn hŏk tro hơtăih hnam oei. Dang ei rim tơdrong hơmet ăn lăng pơlong hlôi iung jang ‘lơ̆ng vă pơgơ̆r pơlong sơđơ̆ng, ‘lơ̆ng hơ iă păng ƀlep tơdrong pơkăp.