‘Măng thi tốt nghiệp THPT sơnăm 2023 oei pơgơ̆r nhen thoi sơnăm 2022, mă lei tơdrong hơgăt thi kŭm đei 1,2 tơdrong ‘nao athei hŏk tro hơlen năng mă ‘lơ̆ng. Kŭm hăm roi tơbăt vă hŏk tro hlôh vao tơdrong hơgăt thi, dôm hnam trưng tơ̆ Gia Lai oei akŏm jơhngâm ăn tơdrong ôn thi tốt nghiệp. Lơ khul thây kô pơtho oei adrin pơtho ming, rơih hơmet hŏk tro kiơ̆ lăm vă đei trong ôn ƀai lăp hlŏh. 

‘Măng thi THPT tĕh đak sơnăm ‘nâu, lơ̆m dêh char Gia Lai đei hlŏh 15.200 ‘nu hŏk tro chih măt thi; lơ̆m nŏh đei vă jê̆ 14.300 ‘nu hŏk tro phổ thông, 483 ‘nu hŏk tro ƀô tŭk, oei đei dơ̆ng ‘nŏh jĭ bơngai chih măt vang thi kơdih. Lơ̆m kơsô̆ hŏk tro chih măt vang thi đei hlŏh 14.000 ‘nu hŏk tro chih măt vă iŏk điêm mât hŏk đăi hŏk, cao đẳng. Dêh char Gia Lai hlôi tơlĕch trong pơgơ̆r thi tơ̆ 41 anih thi tơpă.