Kiơ̆ kơ ‘nŏh, đơ̆ng ‘năr 1/11/2024, Thĭ xăh Buôn Hồ, dêh char Đắk Lắk tơmât 1 păh teh, kơsô̆ kon pơlei đơ̆ng xăh Ea Blang mât lơ̆m xăh Ea Siên. Teh, măt bơngai oei đei dơ̆ng đơ̆ng xăh Ea Blang ‘nŏh tơmât lơ̆m xăh Ea Drông. Thoi noh, đơ̆ng rŏng kơ tơmât, thĭ xăh Buôn Hồ đei 11 anih jang hanh chĭnh tơ̆ xăh, đei 7 phường păng 4 xăh.

Găh tơdrong tơmât hơdai jing anih jang hanh chinh ‘nao vă pơjing tơdrong hiôk hian ăn tơdrong vei lăng teh đak đơ̆ng khul kơdră tơring păng tơdrong jang đơ̆ng khul tơpôl tơ̆ tơring kon pơlei oei xa; vă bơ̆ jang ‘lơ̆ng dôm tơdrong hơgăt găh pơjing tơring tơrang ‘nao tơ̆ dôm xăh; pơjing tơdrong drơ̆ng 1 nơ̆r lơ̆m kăn ƀô̆, kon pơlei păng lăp hăm trong jang đơ̆ng Đảng, khôi luơ̆t teh đak.