Thĭ xah Buôn Hồ tơbăt 15 sơnăm pơjing
Thứ bảy, 09:49, 23/12/2023
VOV Tây Nguyên/Amazưt tơblơ̆
VOV Tây Nguyên/Amazưt tơblơ̆
VOV4.Bahnar - Thĭ xah Buôn Hô dêh char Dak Lăk mĭnh hơnih kơdrơ̆m hle hlôi iung atŏk tơ iung kơtang. Trong tơlĕch jang păng trong vă jang đei jing hơnih kơdrơ̆m kơ loăi III hlôi đei kơdră chĕp pơgơ̆r thĭ xah tơbăt hơdăh tơ̆ jơ tơƀơ̆p muh măt ƀlep 15 sơnăm năr pơjing kơ yuơ Khul kơdră Đảng, Kơdră chĕp pơgơ̆r păng kon pơlei rim hơdrung thĭ xah pơgơ̆r pơgê brei (22/12).
Ƀlep 15 sơnăm năr pơjing, thĭ xah Buôn Hô tơlĕch trong jang jing Hơnih kơdrơ̆m kơ loăi III lơ̆m sơnăm 2025 păng jing hơnih kơdrơ̆m kơ tơring găh Tu dêh char Dak Lăk.
Vă jang kiơ̆ trong tơlĕch jang au, thĭ xah akŏm chĕp pơgơ̆r, pơrô̆ hơmet dơ̆ng choh jang sa; tơgoăt jang hơdoi jing rim trong jang pơm tơlĕch tơmam drăm tơm kơ thĭ xah; choh jang sa kiơ̆ trong pơkăp ‘lơ̆ng, choh jang sa rơgoh, atŏk tơ iung choh jang sa kiơ̆ kơjăp ‘lơ̆ng. Atŭm hăm iung jang dôm tơdrong đei’lơ̆ng hơ iă, thĭ xah jei hơdrin xek tơlang dôm tơdrong tơhlăk tơhlĭn vă pơjing đei hơyak pran kơtang.
Viết bình luận