Tơ̆ jơ sơng, Thủ tướng Phạm Minh Chính lui kơ ‘măng năm tơmang, bơ̆ jang tơ̆ Hà Nội păng mĭnh ƀar tơring kơ khul lơ̆m ƀlep jơ ‘năr tơbăt Năr Rơngei Hơnih tơm Hà Nội (10/10) gô tơgop pơm ‘lơ̆ng hơ iă hloh dơ̆ng ăn tơdrong tơgoăt tơgoăl ‘lơ̆ng liĕm hloh lơ̆m apŭng plĕnh teh Việt Nam-Lào, adoi nhen tơdrong tơgoăt tơgoăl joăt joe tơklep kơjăp, ‘lơ̆ng liĕm ƀar păh Hơnih tơm Hà Nội păng Hơnih tơm Vientiane.

Thủ tướng sơkơ̆t hơdăh, Đảng, Teh đak Việt Nam ling lang ‘măn ăn kơtang hloh vă vei kơjăp păng atŏk tơ iung tơgoăt tơgoăl gĭt kăl hloh kơ ƀar teh đak; tơgŭm djru, pơjing rơvơn ăn tơgoăt tơgoăl jang hơdoi ƀar păh hơnih tơm Hà Nội hăm Vientiane iung jang ‘lơ̆ng hơnăp jang chông ba jang hơdoi ƀar păh păng rim tơring kơ ƀar teh đak. Thủ tướng athei ƀar Hơnih tơm atŭm hăm rim hơnih bơ̆ jang, tơring đei ƀơm truh akŏm, kơrŭn đĭ ai atŏk kơtang tơgoăt ƀar păh Hơnih tơm Vientiane hăm Hơnih tơm Hà Nội ‘moi kiơ̆ trong gre rĕnh djăl hloh, adoi nhen tơgoăt ƀar tơring jang mŭk drăm, tơgoăt ƀar păh Vientiane păng rim tơring kơ Lào  hăm rim tơring kơ Việt Nam ‘moi kiơ̆ trong gre treng, dơnŏk duk…