5 khei âu âu, mŭk drăm lơ̆m teh đak Việt Nam sơđơ̆ng, kơjă tơmam đei vei lăng ‘lơ̆ng, ưh ăn tŏk hlŏh tơdrong, dôm tơdrong jang tih đei pơgơ̆r bơ̆ jang ‘lơ̆ng; jên hre teh đak, jên hre đơ̆ng Khul kơdră teh đak, jên hre kơ teh đak đe oei lăp hăm tơdrong hơgăt; lơ tơdrong jang hăm apŭng plkenh teh tŏk ‘lơ̆ng păng tơdra adrol GDP kơ Việt Nam lơ̆m sơnăm 2024 tŏk dang hlŏh 6%.

Pơma pơtôch hop akŏm, Thủ tướng Phạm Minh Chính tơblang hơdăh dôm tơdrong ‘lơ̆ng, tơdrong pơmat tat, pơlong nol păng akhan, tơdrong pơmat tat, pơlong nol lơ ƀiơ̆ kơ tơdrong ‘lơ̆ng, mă lei đon pơhnŏng jang khŏm đei tơdrong jang atŏk tơiung mŭk drăm tơpôl sơnăm 2024. Thủ tướng athei dôm anih tơm, anih jang kơpal hơnơ̆ng vei lăng ‘lơ̆ng trong jang găh jên hu, hơmet ming tơtom, đei yoa; jang hơdoi hrơ̆ch ‘lơ̆ng, pran kơjăp hăm dôm trong jang găh jên hu, rơih đei trong jang tơm, gĭt kăl; pơjing tơdrong hiôk hian ăn anih tĕch mơdro păng kon pơlei đei tŏk iŏk jên, hăm jên kon lăp ‘lơ̆ng; tơlĕch jang mă pran dôm trong jang vei lăng kơjă tơmam tơ̆ anih tĕch mơdro, hơmet ‘lơ̆ng trong pơtruh tơmam, ưh đei lê̆ đei tơdrong ưh kơmăh tơmam păng dôm tơdrong pơvih pơvăn ăn kon pơlei.