Tơ̆ âu, Thủ tướng athei Khŭl vei lăng Pơsat hơnơ̆ng hơtŏk tơdrong joăt ang hơdăh, jơhngơ̆m đon jang tơnăp tơ̆ hơnăp Đảng, teh đak păng Kon pơlei, ưh kơ pơdơh hơtŏk ‘lơ̆ng tơdrong jang vă lơ̆m rim tơdrong athei bơ̆jang ‘lơ̆ng hloh hơnăp jang vei lăng đunh đai, vei lăng sơđơ̆ng hơkâu ƀok Hồ.

Kăl athei kơchăng, hơdrin păng hơtŏk hloh dơ̆ng jơhngơ̆m đon pơcheh hơgei, tơplih ‘nao vă ăn hơnih Cham să Ba Đình păng dôm Hơnih gru groa ƀơm truh ƀok Hồ păng Hơnih tơbăt kơ lĭnh nuih mơng lôch tang ăn teh đak jing hơnih hŏk pơhrăm joh ayŏ, chĭnh trĭ păng yak truh jing hơnih “tơchă găh tơm a” đơ̆ng rim kon pơlei Việt Nam mưh truh hăm Hà Nội păng vih hăm Ƀok. Pơgơ̆r pơvih pơvăn ‘lơ̆ng dôm tơdrong jang năm hơpong đơ̆ng kon pơlei păng tơmoi apŭng plĕnh teh.